Hondurasda aksiyalar zamanı 3 nəfər öldürülüb

Hondurasda dövlət başçısı Xuan Orlando Ernandes əleyhinə keçirilən aksiyalar zamanı 3 nəfər öldürülüb.

"Report" "RİA Novosti"yə istinadən xəbər verir ki, bu barədə "Pais" portalı məlumat yayıb.

Bildirilir ki, öldürülənlərdən sonuncusu 17 yaşlı gəncdir. O, yolu bağlamaqda iştirak etdiyinə görə hərbi polis tərəfindən öldürülüb.

Hondurasda yeni etiraz dalğası iyunun 19-da başlayıb. Ölkədə etiraz aksiyaları isə 2018-ci ilin mayından davam edir. Nümayişçilər dövlət başçısının istefasını tələb edirlər. 

Daha əvvəl nümayişçilər qrupu ABŞ-ın Hondurasın paytaxtı Tequsiqalpdakı səfirliyi binasının əsas girişini yandırıb.