Hindistanın cənubunda partlayış olub, ölən və yaralananlar var

Hindistanın Kerala ştatında “Yehovanın şahidləri”nin qurultayında baş vermiş partlayış nəticəsində azı 1 nəfər ölüb, 36 nəfər yaralanıb.

“Report” TASS-a istinadən xəbər verir ki, bu barədə ştat polisinin rəisi Şaiq Dərviş Sahib bildirib.

Qeyd olunub ki, insident Koçi şəhərinin yaxınlığındakı Kalamasseridə olub. Partlayış təşkilatın üçgünlük regional qurultayının keçirildiyi konfrans zalında baş verib.

İlkin versiyaya görə, əldəqayırma partlayıcı maddə işə düşüb.

“Bunun arxasında kimin dayandığını müəyyən edəcəyik, ciddi tədbirlər görəcəyik”, – polis rəisi vurğulayıb.

Eyni zamanda, polis bir partlayışın baş verdiyini açıqlasa da, bəzi KİV üç partlayışın olduğuna dair məlumat yayıb.