Bakı. 9 aprel. REPORT.AZ/ Hindistanda məktəb avtobusunun qəzaya uğraması nəticəsində azı 26 şagird ölüb.
“Report” "RİA Novosti”yə istinadən xəbər verir ki, hadisə ölkənin şimalındakı Ximaçal-Pradeş ştatında olub.
Bildirilib ki, avtobus 30 metr dərinliyində dərəyə yuvarlanıb.
Yol-nəqliyyat hadisəsinin səbəbi araşdırılır.
Avtobusda özəl məktəbin 5-ci və daha aşağı sinfinin şagirdləri olub. “İndia Today” qəzeti avtobusda 40-a yaxın məktəblinin olduğunu bildirib.