Hindistanda kəskin hava şəraitinə görə sərt məhdudiyyətlər tətbiq ediləcək

Hindistanın paytaxtı Dehli şəhərində təhlükə yaradan hava şəraitinə görə məhdudiyyətlər tətbiq edilib.

"Report" TASS-a istinadən xəbər verir ki, bunu Dehlinin baş naziri Arvind Kejrival deyib.

Onun sözlərinə görə, gələn həftənin bazar ertəsindən başlayaraq bütün məktəblər bağlanacaq. Tədris müəssisələrinin virtual işləməsinə icazə veriləcək.

Bundan başqa, şəhərdə 4 gün müddətində bütün tikinti işləri dayandırılacaq.

A.Kejrival əlavə edib ki, bütün dövlət qurumları bazar ertəsindən başlayaraq bir həftə ərzində məsafədən iş formatına keçəcək.