Bakı. 15 avqust. REPORT.AZ/ Son bir neçə gündə Hindistanın şimalında daşqınlardan ölənlərin sayı 100-ü ötüb.
“Report” xəbər verir ki, bu barədə "DNA" nəşri məlumat yayıb.
Fövqəladə Halllar üzrə Milli İdarənin məlumatına görə, Assam ştatında 20 nəfər ölüb. 183 minə yaxın insan əvvəlki kimi çadıırlarda qalır.
Qeyd edək ki, bundan əvvəlki məlumatda Ximaçal-Pradeş ştatındakı daşqınlar zamanı ölənlərin sayının 48 nəfər olduğu bildirilirdi.
Bihar ştatında ölənlərin sayı kəskin şəkildə artıb. Çərşənbə axşamı məlum olub ki, son iki gündə regionda 41 nəfər həlak olub.
Fərqli məlumatlara əsasən Uttarakxand ştatında, Pitxoraqarx dairəsindəki hərbi düşərgədə 25-ə qədər insan sürüşmələrin qurbanı olub.