Hindistanda 50 minədək insan təbii fəlakətdən zərər çəkib

Hindistanın Tamilnad ştatının 50 minədək sakini güclü leysan yağışlarından və onların səbəb olduğu seldən zərər çəkib.

“Report” TASS-a istinadən xəbər verir ki, bu barədə “Hindistan radiosu” məlumat yayıb.

Zərər çəkmiş rayonlarından yüzlərlə insan təxliyə edilib. Onların yerləşdirilməsi üçün 150 müvəqqəti yerləşdirmə mərkəzi yaradılıb.

Ştatda avtomobil nəqliyyatının hərəkəti pozulub, bir sıra rayonlarda elektrik enerjisinin verilməsi dayandırılıb.

Leysan yağınlarının daha bir neçə gün davam edəcəyi gözlənilir.