Hindistan hərbi-kosmik təlimlər keçirəcək

Hindistan Silahlı Qüvvələri bu həftənin sonuna qədər ölkə tarixində ilk dəfə "IndSpaceEx" adlı hərbi-kosmik təlimlər keçirməyi planlaşdırır.

Bu barədə "Report" TASS-a istinadən xəbər verir.

"Hindistanın baş naziri Narendra Modi 2019-cu ilin mart ayında keçirilmiş peyk əleyhinə silah sınaqlarının ölkənin müdafiə qabiliyyətini artıracağını bildirib. Buna uyğun olaraq, "IndSpaceEx" Hindistan Silahlı Qüvvələrinin kosmosda münaqişənin kəskinləşməsinə mümkün cavablarını nümayiş etdirəcək", - hökumətdən bildiriblər.

Həmçinin qeyd edilib ki, Çinin artan hücum qabiliyyəti ilə əlaqədar Hindistan da kosmosda öz maraqlarının qorunması üçün şərait yaratmağa borcludur.