Hindistan Kanadanı daxili işlərə qarışmaqda ittiham edib

“Kanada diplomatları Hindistanın daxili işlərinə müdaxilə edib”.

“Report” xəbər verir ki, bunu Hindistanın xarici işlər naziri Subrahmanyam Jaishankar bəyan edib.

Hindistanın Diplomatik Münasibətlər haqqında Vyana Konvensiyasını pozmaqda ittihamlarına cavab olaraq nazir qeyd edib:

“Bizim vəziyyətimizdə biz paritetdən istifadə etdik, çünki Kanada əməkdaşlarının işlərimizə daimi müdaxiləsindən narahat idik”.

O əlavə edib ki, Hindistan-Kanada münasibətləri hazırda çətin mərhələdən keçir, lakin bu problemlər siyasi həyatın müəyyən seqmenti və ondan irəli gələn Kanada siyasəti ilə bağlıdır.