Gürcüstanda qazlaşdırma xərcləri artırılır

“2020-ci ildə Gürcüstanda qazlaşdırma proqramı daha sürətli templərlə davam etdiriləcək”.

“Report”un yerli bürosu xəbər verir ki, bu barədə Gürcüstanın iqtisadiyyat və davamlı inkişaf naziri Natia Turnava bildirib.

Onun sözlərinə görə, qazlaşdırma ilə bağlı büdcə 20 milyon lari artırılıb: “Qazlaşdırma proqramının büdcəsi 60 milyon lari təşkil edəcək. Bu vəsait kifayət qədər miqyaslı işlərə sərf olunacaq. Biz təbii qazın tarixən olmadığı 97 yaşayış məntəqəsini “mavi yanacaq”la təmin etməyi planlaşdırırıq. Bu o deməkdir ki, ən azı 17 min ailə təbii qazdan istifadə imkanı əldə edəcək. Digər tərəfdən, bu, kiçik biznesin inkişafı üçün də çox yaxşı imkanlar yaradacaq”.