FTB aviabazadakı atışmanı terror aktı kimi araşdırır

Federal Təhqiqat Bürosu ABŞ Hərbi Dəniz Qüvvələrinin Texas ştatında yerləşən Korpus-Kristi aviabazasının şimal qapılarında baş verən silahlı insidenti terror aktı kimi qiymətləndirir.

“Report” xəbər verir ki, bunu FTB-nun rəsmi nümayəndəsi Liya Qrivs bəyan edib.

Lakin Qrivs müstəntiqlərin bu nəticəyə necə gəldiyini izah etməyib. O əlavə edib ki, FTB atəş açan şəxslə əlaqəli ola biləcək bir nəfəri axtarır.

Qeyd edək ki, aviabazanın nəzarət-buraxılış məntəqəsinə atəş açan şəxs ABŞ Hərbi Dəniz Qüvvələrinin əsgərini yaralanıb. Əsgər əvvəlcə xəstəxanaya yerləşdirilsə də, sonradan evə buraxılıb.

Atəş açan şəxsin kimliyi açıqlanmır. O cavab atəşi ilə öldürülüb.