Fransada naməlum şəxs insanlara hücum edib, xəsarət alanlar var

Fransanın paytaxtı Paris yaxınlığındakı Antoni şəhərində naməlum kişi insanlara hücum edərək bir neçə nəfəri yaralayıb.

“Report” xəbər verir ki, bu barədə “Figaro” bildirib.

Qəzetin məlumatına görə, hücum nəticəsində üç nəfər müxtəlif bədən xəsarətləri alıb. Əraziyə hüquq-mühafizə orqanlarının əməkdaşları cəlb edilib və hadisəni törədən şəxs həbs edilib. Hücum zamanı ölən olmayıb.

Polisdə hesab edirlər ki, hücum terror xarakterli deyil, çünki hadisəni törədən şəxs psixiki pozğunluqlardan əziyyət çəkir.