Fransada doğum səviyyəsi İkinci Dünya müharibəsindən bəri ən aşağı səviyyədədir

Fransada 2023-cü ildə yeni doğulmuşların sayı İkinci Dünya müharibəsindən sonra ilk dəfə 700 mindən aşağı olacaq.

“Report” xəbər verir ki, bu barədə Milli Statistika və İqtisadi Tədqiqatlar İnstitutunun (Insee) dərc etdiyi hesabatdan bəlli olub.

Qurumun verilənlərinə görə, 2023-cü ildə 678 min, 2022-ci ildə 725 mindən çox, 2010-cu ildə isə 833 minə yaxın insan doğulub.

Sosioloqların qeyd etdiyi kimi, 2023-cü ildə ölkədə 631 min nəfər ölüb. Üstəlik 2022-ci ildə bu rəqəm 675 min olub. Eyni zamanda, dövlət qurumuna görə, 2020-2022-ci illərdə ölkədə koronavirus pandemiyası ilə bağlı ölüm hallarında artım müşahidə olunub.

Sosioloqlara görə, 2024-cü il yanvarın 1-nə əsasən Fransa əhalisinin sayı təxminən 68,4 milyon nəfərdir.