Fransada isti hava hökm sürür

Fransada gözlənilən bərk istilərlə bağlı bir sıra bölgələrdə "naringi təhlükə" elan edilib.

“Report” xəbər verir ki, “Meteo France”ın məlumatına görə, ölkənin şərqindəki 13 departamentdə, yəni Rona çayının orta axın hissəsindən tutmuş cənub-şərqdəki Savoye departamentinədək çox yüksək hava hərarəti, bəzi yerlərdə hətta 40 dərəcədən yuxarı isti gözlənilir.

Qeyd edək ki, bu həftənin cümə günü də bərk istilərlə bağlı 32 departamentdə "naringi təhlükə" elan edilmiş, bəzi şəhərlərdə isə hava hərarətinin indiyədək ən yüksək həddi qeydə alınmışdı.