Fransa sakini terrorçu olmaq üçün qayıqla Suriyaya getmək niyyətində olub

Bakı. 7 avqust. REPORT.AZ/ Fransanın cənubundakı Ero departamentində bu ilin may ayının sonlarında Suriyadakı silahlıların sırasına daxil olmaq istəyən 45 yaşlı kişi saxlanılıb.

"Report" RİA "Novosti"yə istinadən xəbər verir ki, kişi Suriyaya qayıqla getmək niyyətində olub və özü ilə birgə 10 yaşlı qızını da götürüb.

Amma uşağın anasının bu barədə hüquq-mühafizə orqanlarına bildirməsi nəticəsində onlar saxlanılıblar. 

Bundan başqa, saxlanılan kişiyə yardım edən 21 yaşlı gənc də tutulub.

Onlar terrorçularla əlbir olmaqda ittiham olunurlar, hər ikisi həbsdədir.