Bakı. 15 iyul. REPORT.AZ/ Fransa prezidenti Fransua Olland və baş naziri Manuel Vals dünən 84 nəfərin ölümü ilə nəticələnən terror hücumunun baş verdiyi Nitsaya gedib.
"Report" xarici KİV-ə istinadən xəbər verir ki, Nitsa hava limanında dövlət və hökumət başçılarını daxili işlər naziri Bernar Kaznöv, Provans-Alp-Lacivərd sahil regionunun başçısı Kristian Estrozi və digər rəsmi şəxslər qarşılayıblar.
Onların əvvəlcə Nitsanın əsas xəstəxanasına gedərək terror hücumu zamanı xəsarət alanlarla görüşəcəyi və yaralılara dəstəklərini nümayiş etdirəcəkləri gözlənilir.