Fransa prezidenti: "Trampın Yerusəlimlə bağlı qərarı beynəlxalq hüquqa ziddir"

Bakı. 6 dekabr. REPORT.AZ/ Fransa prezidenti Emmanuel Makron amerikalı həmkarı Donald Trampın beynəlxalq hüquq və BMT qətnamələrinə zidd gedərək Yerusəlimi İsrailin paytaxtı kimi tanıması barədə qərarıns təəssüf hisssi ilə qarşılayıb.

“Report” RİA "Novosti"yə istinadən xəbər verir ki, bunu Makron Əlcəzairdə keçirilən mətbuat konfransında bildirib.

"Bu qərar təəssüf doğurur, o, beynəlxalq hüquqa və BMT qətnamələrinə ziddir, Fransa bunu təqdir etmir", — deyə o əlavə edib.

Makron qeyd edib ki, Yerusəlimin statusu məsələsi İsrail və Fələstin arasında dialoq yolu ilə həll olunmalıdır.