Finlandiya viza almaq üçün maliyyə zəmanətlərini artırıb

Finlandiya Şengen vizası alan səyahətçilər üçün maliyyə zəmanəti tələbini gündə 30 avrodan 50 avroya qədər artırır.

“Report” xəbər verir ki, bu barədə Finlandiya Xarici İşlər Nazirliyinin mətbuat xidməti məlumat yayıb.

“2024-cü il yanvarın 1-dən Finlandiyaya qısamüddətli qalmaq üçün gələn səyahətçilərin ölkədə qaldıqları hər gün üçün ən azı 50 avro məbləğində vəsaiti olmalıdır”, - məlumatda bildirilib.

Qeyd edilib ki, bu maliyyə zəmanəti 90 gündən çox olmayan səfərlərə şamil edilir.