Finlandiya Prezidenti hökumətin istefasını qəbul edib

Bakı. 8 mart. REPORT.AZ/ Finlandiya Prezidenti Sauli Niiniste ölkənin Baş naziri Yuha Sipilya ilə qısa sürən danışıqlardan sonra Nazirlər Kabinetinin istefasını qəbul edib.

"Report" "RİA Novosti"yə istinadən xəbər verir ki, Prezident Nazirlər Kabinetinin hazırkı heyətindən yeni hökumət təyin olunana qədər müvəqqəti əsasda işinə davam etməsini istəyib.

Qeyd edək ki, hökumətin istefası sosial təminat və səhiyyə sistemlərində uğursuz islahatlar fonunda baş verir. Belə ki, hökumət islahatlar üzrə ortaq məxrəcə gələ bilmir.

Əlavə edək ki, aprelin 14-də Finlandiyada parlament seçkiləri keçiriləcək və nəticədə yeni hökumət formalaşdırılacaq.