Filippində şəhər parkında baş verən partlayışda 10 nəfər ölüb, 20-dən çox insan yaralanıb

Bakı. 29 dekabr. REPORT.AZ/ Filippinin Leyte adasında yerləşən Hilonqos şəhərindəki parkda partlayış olub.

"Report " xarici KİV-ə istinadən xəbər verir ki, partlayış illik katolik festivalı çərçivəsində reallaşan boks matçı zamanı baş verib.

Filippinin Əhalinin Sosial Müdafiəsi Nazirliyinin məlumatına görə, hadisə nəticəsində azı 10 nəfər ölüb, 20-dən çox insan yaralanıb.

Bəzi şahidlərin sözlərinə görə, iki partlayış olub: biri matçın qalibi elan olunarkən, digəri bir neçə saniyə sonra.

Partlayışların uzaqdan idarə olunan bombalar vasitəsilə həyata keçirildiyi güman edilir.