Filippində baş verən iki güclü zəlzələ nəticəsində ölənlərin sayı 21 nəfərə çatıb

Filippində həftə ərzində baş verən iki güclü zəlzələ nəticəsində ölənlərin sayı 21 nəfərə çatıb.

“Report” “RİA “Novosti”yə istinadən xəbər verir ki, bu barədə “Philippine Daily Inquirer” nəşri yazıb.

Zəlzələlər nəticəsində xəsarət alanların sayı isə 432 nəfərə çatıb.

Təbii fəlakət 30 min ictimai iaşə obyektinə, minə yaxın məktəbə, onlarla dini abidə və tibb mərkəzinə, o cümlədən 20-yə yaxın yol və körpüyə ziyan vurub.

Qeyd edək ki, Mindanao adasında 29 və 31 oktyabrda 6,6 və 6,5 bal gücündə zəlzələ baş verib.