Filippin sahillərində 5,7 bal gücündə zəlzələ baş verib

Bakı. 28 dekabr. REPORT.AZ/ Filippin sahillərində 5,7 bal gücündə zəlzələ baş verib.

“Report” TASS-a istinadən xəbər verir ki, bu barədə ABŞ-ın Geologiya Xidməti məlumat verib.

Təbii fəlakətin episentri 12 min nəfərin yaşadığı Kaburan yaşayış məntəqəsindən 254 km cənub-şərqdə, dənizdə olub. Zəlzələnin ocağı 53,6 km dərinlikdə yerləşib.

Dağıntı və tələfat barədə məlumat yoxdur. Sunami təhlükəsi elan olunmayıb.