Estoniya Ukraynanı “Javelin” tank əleyhinə raketləri ilə təmin edib

Estoniya Ukraynaya “Javelin” tank əleyhinə raket komplekslərini çatdırıb.

"Report" xəbər verir ki, bu barədə "Reuters agentliyi" Estoniya Müdafiə Qüvvələrinin komandanı, general-leytenant Martin Heremə istinadən məlumat yayıb.

Onun sözlərinə görə, Ukraynanı qorumaq Estoniyanın təhlükəsizliyi üçün təlimlər zamanı poliqonlarda atəş açmaqdan daha ​​faydalıdır.

Köçürülmüş tank əleyhinə sistemlərin sayı barədə məlumat verilmir.

Bundan əvvəl Litva Kiyevi “Stinger” insan daşına bilən zenit-raket kompleksləri ilə təmin edib.