Ərəb ölkələri İsrail-HƏMAS münaqişəsinin həlli üçün plan təqdim edəcək

Ərəb ölkələri İsrail və Fələstinin radikal HƏMAS hərəkatı arasında münaqişənin həllinə yönəlmiş plan hazırlayır.

“Report” xəbər verir ki, bu barədə “Financial Times” qəzeti yüksək rütbəli ərəb məmuruna istinadən yazıb.

Məmurun sözlərinə görə, ərəb ölkələrinin bir neçə həftə ərzində təqdim etmək niyyətində olduğu plan təkcə İsraillə HƏMAS arasında gərginliyin azaldılmasını deyil, həm də Yaxın Şərqdə daha qlobal münaqişənin qarşısının alınmasını nəzərdə tutur.

Nəşr qeyd edib ki, bu təşəbbüs həm də Fələstin dövlətinin tanınması və ya BMT-yə tam üzvlüyünün verilməsi üçün Qərb ölkələrinin razılığını almağı nəzərdə tutur. Ərəb rəsmiləri artıq planı ABŞ və Avropa ölkələri ilə müzakirə ediblər.