Ərdoğanla Conson Suriya və Liviyada yaranmış vəziyyəti müzakirə ediblər

Türkiyə prezidenti Rəcəb Tayyib Ərdoğanla Böyük Britaniyanın baş naziri Boris Conson arasında telefon danışığı olub.

“Report”un məlumatına görə, bu barədə “Anadolu” agentliyi Türkiyə Prezidenti Administrasiyasına istinadən xəbər verib.

Qeyd edilir ki, Ərdoğanla Conson ABŞ və İran arasında yaranmış gərginliyi müzakirə ediblər. Danışıqlarda həmçinin Suriyada və Liviyada yaranmış vəziyyət diqqət mərkəzində olub.

Türkiyə prezidenti ilə Britaniyanın hökumət başçısı eləcə də regional və beynəlxalq məsələlər ətrafında fikir mübadiləsi aparıblar.