Ərdoğan Trampla Liviya və Suriyanı müzakirə etdi

Türkiyə prezidenti Rəcəb Tayyib Ərdoğanla ABŞ prezidenti Donald Tramp arasında telefon danışığı olub.

“Report” xəbər verir ki, bu barədə Ağ Evin nümayəndəsi Cadd Dir bildirib.

Qeyd edilir ki, dövlət başçıları yeni növ koronavirus (COVID-19) infeksiyası ilə bağlı mübarizəni, həmçinin ABŞ və Türkiyə sərhədlərinin açılmasını müzakirə ediblər.

Bundan başqa, liderlər ikitərəfli gündəmdə olan əsas məsələləri, habelə Liviya və Suriyadakı vəziyyət barədə fikir mübadiləsi aparıblar.