Emmanuel Makronun iqtisadi tədbirləri üçün tələb edilən vəsaitin miqdarı açıqlanıb

Bakı. 11 dekabr. REPORT.AZ/ Fransa prezidenti Emmanuel Makron tərəfindən elan edilmiş iqtisadi tədbirlərin həyata keçməsi üçün 8-10 milyard avro tələb edilir.

"Report" TASS-a istinadən xəbər verir ki, bu barədə ölkənin büdcə siyasətinə məsul olan dövlət katibi Oliviye Dyusso bildirib.

"Səkkiz-on milyard avro tələb edilir, - deyə o, jurnalistlərin ölkə lideri tərəfindən elan edilmiş tədbirlər paketi barədə suallarını cavablandırarkən qeyd edib.

Qeyd edək ki, Fransa prezidenti kütləvi etiraz aksiyaları fonunda ölkədə fövqəladə iqtisadi vəziyyət elan edib.