Emmanuel Makron Donald Trampla görüşdə nə barədə danışacağını açıqlayıb

Bakı. 10 noyabr. REPORT.AZ/ Fransa Prezidenti Emmanuel Makron ABŞ Prezidenti Donald Tramp ilə Suriya məsələsinin nizamlanması, İran, Yəmən, Afrika ilə bağlı vəziyyəti, ticarət məsələləri və ikitərəfli münasibətləri müzakirə etmək niyyətindədir.

"Report" bu barədə RİA "Novosti"yə istinadən xəbər verir.

"Biz Suriya, İran, Yəmən, Afrika, ticarət məsələlərini müzakirə edəcəyik", - E.Makron Parisdə Donald Trampla görüşün əvvəlində deyib.

Öz növbəsində, ABŞ Prezidenti bildirib ki, bu, çox vacib gündür: "Liderlər gün ərzində xüsusilə hərbi məsələləri və terrorizmlə mübarizə məsələsini müzakirə edəcəklər".