Ekvadorda torpaq sürüşməsi nəticəsində ölənlərin sayı 23-ə çatıb

Ekvadorun mərkəzində Alausi şəhərində torpaq sürüşməsi nəticəsində azı 23 nəfərin ölümü təsdiqlənib.

"Report" xəbər verir ki, bu barədə məlumatı ölkənin Baş Prokurorluğu tvitterdə yayıb.

"Hazırda 23 ölüm hadisəsi qeydə alınıb" - məlumatda bildirilir.

Qurum cəsədlərin kimliyi müəyyən edildikdən sonra onların yaxınlarına təhvil veriləcəyini vurğulayıb. Qeyd edək ki, daha əvvəl 14 nəfərin öldüyü bildirilirdi.

Son məlumata görə, təbii fəlakət nəticəsində 37 nəfər xəsarət alıb, azı 72 şəxs itkin düşüb.