Əfqanıstanda terrorçuların qaçırdığı avtobusların 149 sərnişini azad edilib - YENİLƏNİB

Bakı. 20 avqust. REPORT.AZ/ Əfqanıstanın hökumət qüvvələri daha əvvəl "Taliban" yaraqlılarının ələ keçirdikləri üç avtobusun 149 sərnişinini sərbəst buraxmağa müvəffəq olublar.

Bu barədə "Report" TASS-a istinadən xəbər verir.

Eyni zamanda "Associated Press"in məlumatına görə, sərnişinlərdən 21-i hələ də girovluqda qalır.

***10:17

"Taliban" terrorçuları Əfqanıstanın şimalında içərisində təxminən 150 sərnişinin olduğu üç avtobusu qaçırıblar.

"Report" TASS-a istinadən xəbər verir ki, hadisə Kunduz əyalətinin Xan Abad bölgəsində baş verib.

Ordu və təhlükəsizlik qüvvələri girov götürülən sərnişinlərin azad olunması üçün əməliyyata başlayıb. 

Hadisə barədə əlavə məlumat yayılmayıb.