Əfqanıstanda törədilən partlayışda 7 nəfər həlak olub - YENİLƏNİB

Bakı. 27 oktyabr. REPORT.AZ/ Əfqanistanın Vərdək əyalətində partlayış nəticəsində həlak olanların sayı 7-yə, xəsarət alanların sayı 37-yə yüksəlib.

“Report” “Pajhwok”a istinadən xəbər verir ki, bu barədə əyalətin İctimai Səhiyyə İdarəsinin rəhbəri Məhəmməd Səluim Əsgərhil bildirib.

O, ölənlər arasında 1 nəfər, yaralananlar arasında isə 7 nəfər polis olduğunu diqqətə çatdırıb.

***11:15

Əfqanıstanın Vərdək əyalətində Polis İdarəsinin yaxınlığında törədilən partlayış nəticəsində 5 nəfər həlak olub, 12 nəfər xəsarət alıb.

“Report” RİA "Novosti”yə istinadən xəbər verir ki, polisin məlumatına əsasən, binanın yaxınlığında park edilən avtomobilin partladıcı qurğu vasitəsilə havaya uçurulmasına görə məsuliyyəti "Taliban" hərəkatı üzərinə götürüb.