Əfqanıstanda daha bir partlayış törədilib, ölən və yaralananlar var

Əfqanıstanda daha bir səsvermə məntəqəsinin yaxınlığında partlayış törədilib.  

“Report” “RİA "Novosti”yə istinadən xəbər verir ki, hadisə ölkənin şərqindəki Nanqarhar əyalətinin mərkəzi Cəlalabad şəhərində qeydə alınıb. 

Terror aktı nəticəsində bir nəfər ölüb, dörd nəfər isə xəsarət alıb.

Bundan əvvəl ölkənin şimalındakı Qundüz şəhərində səsvermə məntəqəsi yaxınlığında baş verən partlayış nəticəsində bir nəfər ölüb, cənubdakı Qəndahar şəhərindəki partlayış zamanı da 15 nəfər xəsarət alıb.

Xatırladaq ki, bu gün Əfqanıstanda prezident seçkiləri keçirilir. “Taliban” hərəkatı bu seçkilərin baş tutmasına yol verməyəcəyi barədə bəyanat yaymışdı.