Bakı. 15 yanvar. REPORT.AZ/ Əfqanıstanda baş vermiş partlayışda 7 nəfər həlak olub.
"Report"un məlumatına görə, bu barədə "Sinxua" agentliyi ölkənin Daxili İşlər Nazirliyinə istinadən məlumat yayıb.
Məlumata görə, ölənlərin hamısı mülki sakinlərdir. Hadisə zamanı daha iki nəfər xəsarət alıb.
Partlayışın ölkənin şərqindəki Nanqarxar vilayətindəki yolda baş verdiyi bildirilir. Hələlik partlayışa görə məsuliyyəti heç bir qruplaşma üzərinə götürməyib.
Hadisənin təfərrüatları ilə bağlı ətraflı məlumat verilmir.