Əfqanıstanda avtobus yük maşını ilə toqquşub, 15 nəfər ölüb, 25-i yaralanıb

Bakı. 8 sentyabr. REPORT.AZ/ Əfqanıstanda ağır yol qəzası baş verib. 

“Report” "RİA Novosti"yə istinadən xəbər verir ki, hadisə bu gün səhər saatlarında Qəndəhər əyalətinin Jari rayonunda qeydə alınıb. 

Belə ki, sərnişin avtobusunun yük maşını ilə toqquşması nəticəsində 15 nəfər ölüb, 25 nəfər xəsarət alıb.

Qəndəhar valisinin rəsmi nümayəndəsi Əziz Əhməd Əziz bildirib ki, ölənlər arasında qadınlar və uşaqlar da var. Xəsarət alanlardan bir neçəsinin vəziyyəti ağırdır.