Ədliyyə Nazirliyi Hanter Baydenin Ukraynadakı fəaliyyətini araşdırır

ABŞ Ədliyyə Nazirliyi Demokratlar partiyasından prezidentliyə namizəd Co Baydenin oğlu Hanter Baydenin maliyyə fəaliyyətlərinə dair istintaq çərçivəsində Ukraynanın "Burisma" şirkəti də daxil olmaqla bir çox təşkilatın işi ilə bağlı məlumat istəyib.

“Report” xəbər verir ki, bu barədə “Associated Press” mənbəyə istinadən məlumat yayıb.

Qeyd olunub ki, ümumilikdə nazirlik 20-dən çox təşkilatdan kiçik Baydenin maliyyəsi ilə əlaqəli sənədlər tələb edib.

Xüsusilə Ədliyyə Nazirliyi digər ölkələrlə ticari münasibətlərdə vergi qanunlarının və çirkli pulların yuyulmasına dair qanunların pozulması məsələlərini araşdırır.