Dünyada koronavirus qurbanlarının sayı 62 mini ötdü

Dünyada son bir gündə koronavirusdan 5,7 mindən çox insan ölüb.

“Report” xəbər verir ki, bu barədə Ümumdünya Səhiyyə Təşkilatı məlumat yayıb.

Qeyd edilir ki, son sutka ərzində dünyada koronavirusa 82 061 insan yoluxub.

Beləliklə, dünyada koronavirusa yoluxma hallarının sayı 1 133 758, ölənlərin sayı 62 784 nəfər təşkil edir.

Təşkilatın məlumatına görə, dünyada ən çox COVID-19 infeksiyasına yoluxma əvvəlki kimi Avropada qeydə alınıb. Köhnə qitədə 621 407 nəfər virusa yoluxub.