Dünyada bir gündə koronavirusa 128 mindən çox yoluxma qeydə alındı

Dünyada bir gündə koronavirusa 128 mindən çox yoluxma qeydə alındı Dünyada koronavirusa yoluxanların sayı 7,2 milyon nəfəri ötüb.
Digər ölkələr
142
12 İyun , 2020 01:16
Dünyada bir gündə koronavirusa 128 mindən çox yoluxma qeydə alındı

Dünyada koronavirusa yoluxanların sayı 7,2 milyon nəfəri ötüb.

“Report” xəbər verir ki, bu barədə Ümumdünya Səhiyyə Təşkilatı (ÜST) bildirib.

Təşkilatın məlumatına görə, pandemiya ərzində ayrı-ayrı ölkələrdə ümumilikdə 413 mindən çox insan virusdan ölüb.

Qeyd edilir ki, ötən bir gün ərzində dünyada COVID-19-a 128 419 yeni yoluxma qeydə alınıb.

Son sutkada daha 5 347 pasiyent koronavirus infeksiyasının yaratdığı xəstəlikdən dünyasını dəyişib.

Beləliklə, dünyada koronavirusa yoluxma ilə bağlı aşkar edilmiş halların ümumi sayı 7 273 958 təşkil edir.

Pandemiya ərzində 413 372 insan koronavirusun qurbanı olub.

Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

Son xəbərlər

Orphus sistemi