Dubay aeroportunda ABŞ-a məxsus təyyarə qəzaya uğrayıb

Amerikanın "Honeywell" şirkətinə məxsus "Diamond DA40" tipli birmühərrikli təyyarə cümə axşamı Dubay beynəlxalq hava limanında qəzaya uğrayıb.

"Report" TASS-a istinadən xəbər verir ki, bu barədə "Əş-Şark əl-Ausat" qəzeti yazıb.

Nəticədə göyərtədə olan dörd nəfərdən ikisi – pilot və köməkçisi ölüb.

Qəzaya ilkin səbəb olaraq texniki nasazlıq göstərilir.

Dubay hava limanı qəzadan sonra bir müddət fəaliyyətini dayandırıb. Hazırda ştat rejimində işləyir.