Dörd ölkənini xarici işlər naziri Ukraynaya səfər edəcək

Bolqarıstanın xarici işlər naziri Teodora Gençovska Litva, Latviya və Estoniyadan olan həmkarları ilə fevralın 24-də Ukraynaya səfər edəcək.

“Report” xəbər verir ki, bu barədə Bolqarıstan Xarici işlər Nazirliyi məlumat yayıb.

Qeyd olunub ki, nazilərin Ukrayna hökumətinin rəsmiləri və ATƏT-in ölkədəki xüsusi missiyası ilə görüşləri planlaşdırılır.

Bildirilib ki, səfərin əsas məqsədi Rusiyanın Minsk razılaşmalarını və beynəlxalq hüququ pozan hərəkətləri ilə bağlı Ukraynaya dəstəyi ifadə etməkdir.

Həmçinin qeyd olunur ki, Bolqarıstan Ukraynanın beynəlxalq səviyyədə tanınmış sərhədləri daxilində suverenliyini və ərazi bütövlüyünü tanıyır və tam dəstəkləyir.