Donald Trampa şübhəli məktub gəlib

Bakı. 3 oktyabr. REPORT.AZ/ ABŞ Məxfi Xidməti Prezident Donald Trampa ünvanlanan şübhəli məktubu araşdırır.

“Report” xarici KİV-ə istinadən xəbər verir ki, bu barədə Məxfi Xidmətin rəsmi açıqlamasında bildirilir.

ABŞ KİV-i oktyabrın 1-də həmin məktubla yanaşı, müdafiə naziri Ceyms Mattisə və Hərbi Dəniz Qüvvələrinin əməliyyat komandanı admiral Con Riçardsona da iki paketin gəldiyini bildirib. 

Həmin məktub və paketlərdə "risin" adlı zəhərli maddənin olduğu güman edilir.