Donald Tramp ABŞ xalqına və ordusuna müraciət ünvanlayacaq

Bakı. 21 avqust. REPORT.AZ/ Amerika Birləşmiş Ştatları (ABŞ) Prezidenti Donald Tramp bazar ertəsi axşamı ABŞ xalqına və ordusuna müraciət ünvanlayacaq.

“Report” RİA "Novosti”yə istinadən xəbər verir ki, müraciət Əfqanıstan və Cənubi Asiyadakı vəziyyətlə əlaqədar olacaq.

Qeyd olunur ki, ABŞ prezidenti ölkəsinin Əfqanıstandakı münaqişəyə cəlb olunması ilə bağlı bəyanat verəcək.