Britaniyada ən gənc koronavirus xəstəsi öldü

Böyük Britaniyada 21 yaşlı qız koronavirusdan ölüb.

“Report” “Sky News”a istinadən xəbər verir ki, dünyasını dəyişən şəxs Xloya Middltondur. 

Məlumata görə, daha öncə onun səhhətində hər hansı problem aşkarlanmayıb.

Beləliklə, X.Middlton əvvəllər səhhətində problemi olmayan, lakin koronavirusun qurbanı olan ən gənc insan sayılır.

“Bunu adi virus sananlara səslənirəm, bir daha düşünün. Öz təcrübəmə əsaslanaraq deyim ki, bu virus mənim 21 yaşlı qızımın həyatına son qoyub”, - mərhumun anası “Facebook”dakı səhifəsində yazıb.