Cozef Bayden Trampı səlahiyyətlərindən sui-istifadədə ittiham edib

ABŞ-ın keçmiş vitse-prezidenti Cozef Bayden bildirib ki, Birləşmiş Ştatların dövlət başçısı Donald Tramp prezident səlahiyyətlərindən şəxsi maraqları üçün istifadə edir.

"Report" xəbər verir ki, bu barədə "The Washington Post" qəzetinin elektron versiyasına istinadən TASS xəbər yayıb.

"Dövlət başçısı Trampın prezident hakimiyyətindən sui-istifadə etməsinə dair daha çox sübutlar meydana çıxır", - deyə Bayden bildirib.

Keçmiş vitse-prezident qeyd edib ki, Tramp həmçinin öz vəzifəsindən milli maraqların inkişafı əvəzinə şəxsi maraqların təmin edilməsi üçün yararlanır.

"O, yalnız hakimiyyəti bunun bir insana necə xeyir gətirə bilməsi kimi görür", - Bayden əlavə edib.