Çin sədri Şimali Koreyaya səfər edəcək

Bakı. 28 mart. REPORT.AZ/ Şimali Koreya lideri Kim Çen In Çin sədri Si Szinpini KXDR-ə dəvət edib və dəvət qəbul olunub.

“Report” xəbər verir ki, bu barədə Cənubi Koreya və Yaponiya mətbuatına istinadən RİA "Novosti" məlumat yayıb.

"Strateji qarşılıqlı anlaşmanın gücləndirilməsi, KXDR və Çin birliyi və əməkdaşlığının möhkəmləndirilməsi lazımdır", - deyə Kim Çen In bildirib.

Çinin Xarici İşlər Nazirliyinin məlumatına görə, Si Szinpin öz növbəsində Şimali Koreya liderini yenə Çinə dəvət edib.

"Koreya İşçi Partiyasının katibi Kim Çen In və həyat yoldaşı Li Sol Zjunu yenidən Çinə dəvət edirik", - deyə Çin sədri bildirib.

Kim Çen In və həyat yoldaşının Pekinə səfəri 25-28 mart tarixlərində baş tutub.