Bakı. 25 aprel. REPORT.AZ/ Çinin hüquq-mühafiqə orqanları ölkənin cənubundakı Quandun vilayətinin Şençjen şəhərində 1,3 ton kokain müsadirə edib.
"Report" TASS-a istinadən xəbər verir ki, bu barədə "Sinxua" agentliyi bildirib.
Qeyd edilir ki, kokainin ümumi qiyməti 1 milyard Çin yuanına (təxminən 160 milyon ABŞ dolları - red) bərabərdir. Faktla bağlı 10 nəfər saxlanılıb.
Ölkədə narkotik maddələrin ticarətinə son qoyulması istiqamətində geniş əməliyyata 2017-ci ilin iyulunda başlanılıb. Əməliyyatlar 8 aydan çoxdur davam edir.