Çin 2016-cı ildə neft idxalını 13,6 faiz artırıb

Bakı. 13 yanvar. REPORT.AZ/ Çin 2016-cı ildə xam neftin idxalını 2015-ci illə müqayisədə 13,6 faiz artırıb.

"Report" xəbər verir ki, bununla bağlı Çin Xalq Respublikasının Baş Gömrük İdarəsi məlumat verib.

Gömrük İdarəsinin məlumatına əsasən, Çin 2015-ci ildə 335,48 milyon ton, 2016-cı ildə isə 381 milyon ton xam neft idxal edib. Ölkənin ötən ilin dekabr üzrə göstəricisi 36,38 milyon tondur.