Çexiyada quş qripi yayılıb

Çexiyanın paytaxtı Praqa şəhərindən 50 km cənubda yerləşən Beneşov rayonunda quş qripinin yayılması qeydə alıb.

“Report” “TASS”a istinadən xəbər verir ki, bu barədə ölkənin Kənd Təsərrüfatı Nazirliyi məlumat yayıb.

Qeyd olunub ki, Podoli kəndində quş qripi 25 toyuğu öldürüb.

Digər 20 toyuq və altı ördək lazımi epidemiya təhlükəsizlik qaydalarına uyğun olaraq baytarlar tərəfindən məhv ediləcək.