Çexiya Polşa-Belarus sərhədinə hərbçi göndərməyə hazır olduğunu açıqlayıb

Rəsmi Praqa Varşavaya Polşa-Belarus sərhədindəki böhranın həllinə kömək etmək üçün öz polisini və ordusunu göndərməyə hazırdır.

“Report” xəbər verir ki, bunu Çexiyanın baş naziri Andrey Babiş bildirib.

Eyni zamanda siyasətçi belə bir müraciətin hələ ki, Polşadan daxil olmadığını açıqlayıb. Onun sözlərinə görə, hazırda Polşa-Belarus sərhədində baş verənlər tamamilə qəbuledilməzdir.

Baş nazir həmçinin vurğulayıb ki, Polşaya hərbi qulluqçuların göndərilməsi yalnız Çexiya parlamentinin hər iki palatası təsdiq etdikdən sonra mümkün ola bilər.