Cənubi Sendviç adalarının sahilində güclü zəlzələ olub

Cənubi Sendviç adaları bölgəsində 5,3 maqnitudalı zəlzələ olub.

“Report” xəbər verir ki, bu barədə ABŞ-nin Geoloji Xidməti bildirib.

Böyük Britaniyaya məxsus Cənubi Corciya və Cənubi Sendviç adalarının akvatoriyasında yerli vaxtla 01:00-da (Bakı vaxtı ilə 07:00-da) qeydə alınmış yeraltı təkanların episentri 10 dərinlikdə olub.

Regionda dağıntı qeydə alınmayıb, sunami təhlükəsi elan olunmayıb.

Qeyd edək ki, sözügedən adalar qrupu Atlantik okeanın cənubunda, Amerika qitəsinin yaxınlığında yerləşir. Cənubi Corciya və Cənubi Sendviç adaları Birləşmiş Krallığın Argentina ilə mübahisə edilən Folklend adalarının asılı ərazisidir.

Xatırladaq ki, daha əvvəl Çilidə 6,2 maqnitudalı zəlzələ qeydə alınmışdı.