CENTCOM İranın xəbərdarlıq atəşi barədə bəyanatını təkzib edib

ABŞ Silahlı Qüvvələri Mərkəzi Komandanlığı (CENTCOM) İranın guya Oman körfəzində ABŞ qüvvələri istiqamətində xəbərdarlıq atəşi açması barədə bəyanatını təkzib edib.

"Report"un məlumatına görə, bu barədə CENTCOM-un "X" hesabında bildirilib.

Komandanlıqdan qeyd ediblər ki, bu hərəkətlər elan edilmiş atəşkəsin kobud şəkildə pozulması demək olardı.

"İran qüvvələri ABŞ Hərbi Dəniz Qüvvələrinin gəmilərinə hücum etməyib və atəş açmayıb. Bu cür hərəkətlər atəşkəs rejiminin kobud şəkildə pozulması demək olardı. ABŞ qüvvələri regional sularda sərbəst fəaliyyət göstərməyə davam edir, eyni zamanda, İrana qarşı mövcud blokadanın tam şəkildə icrasını təmin edir", - məlumatda bildirilib.