Burkino-Fasoda silahlıların hücumu zamanı onlarla insan qətlə yetirilib

Burkina-Fasonun şimalında silahlıların hücumu nəticəsində təxminən 20 dinc sakin həlak olub.

“Report” xəbər verir ki, bu barədə “Agency France Presse” hüquq-mühafizə orqanlarındakı mənbəyə istinadən məlumat yayıb.

Bildirilir ki, hücum şənbədən bazar gününə keçən axşam Seno əyalətinin Lamdamol kəndində olub.

"Naməlum silahlılar Lamdamol kəndinə hücüm etdilər, təxminən 20 dinc sakin öldürülüb", - mənbə bildirib.

O, əlavə edib ki, silahlılar motosikletlərdə hərəkət ediblər.